【凸肚相流出後】方媛自爆得86磅博闢謠？

天王郭富城（城城）太太方媛早前傳出懷有第二胎，雖然城城「耍太極」冇正面回應，不過網上流出方媛嘅凸肚相，令傳聞疑幻似真。呢日方媛更新社交網，佢晒出一張靚靚自拍照，以及一張影住體重磅嘅相，而磅上嘅數字則顯示「39.1 KG」，亦即係只有約86磅，佢仲留言指「瘦出新高度」，認真驚人！唔少網友都表示擔心如果佢真係佗緊BB嘅話，太瘦會對身體唔好，亦有網友問佢係咪因為懷孕嘔吐嘅問題，先至令體重下降。