無綫御用藝人夠經典　全港睇住羅樂林「死」

最近無綫劇集《再創世紀》熱播，其中飾演周勵淇爸爸的潘志文在劇中中風，其實他在四年間已經四次扮過中風病人，除了《再創世紀》外，還有《以和為貴》、《EU超時任務》及《幕後玩家》，難怪演得似模似樣，原來「工多藝熟」。

羅樂林﹕「御用死人」

講到最經典都非藝人羅樂林莫屬，他曾經因為24小時內死足5次而創下香港電視史紀錄，誇到連美國、澳洲、意大利等六國傳媒都有報道，可算「死」到蜚聲國際。而他在劇集《EU超時任務》之中再次死足N次，無限復活添！

王羽﹕「御用殺人王」

去年有美國電影網站做了一個動作影星在銀幕上殺死幾多人的統計，選出「銀幕殺人王」，而七十年代的香港著名武打男星丁羽就力壓中外影星，成為第一位，他從影以來拍過八十部動作片，據網站統計他在銀幕前共「殺死」2,477人。

宣萱﹕「御用人質」

無綫花旦宣萱在過去十幾年，演出的大部分劇集都會有她被挾持的戲份，例如《天地豪情》、《洗冤錄》、《流金歲月》、《掌上明珠》、《尋秦記》、《使徒行者2》等等，有網友粗略統計過，她被挾持共26次之多，手法更是層出不窮，好似試過畀人用刀、槍挾持，又試過被綁在海中央同半天吊，不過每次宣萱最後都會獲救，當然啦，佢係主角吖嘛！

石天欣﹕「御用強姦案事主」

已為人妻兼定居美國的前無綫藝人石天欣於2013年在劇集《仁心解碼II》中飾演被強姦的女學生，由於畫面非常迫真，令人印象難忘，之後她接連在《巨輪》及《再戰明天》中也有被強暴的戲份，連續三年「被姦」。