與死神接吻 梁靖琪被生葬：底褲都濕埋
20181002
東網電視
更多新聞短片
梁靖琪拍攝被生葬戲，過程艱辛。
兩大型男張智霖、王陽明以及薛凱琪、梁靖琪（Toby）主演的網劇《蝕日風暴》正在「黃Viu煲劇平台」香港區獨家播放，雖然該劇由Toby父親梁家樹監製，但在拍攝時Toby未有受厚待，甚至要比同劇演員付出更多，一幕真身遭「生葬」場面，幕幕驚心！
回憶拍攝當時，Toby直言環境非常惡劣，加上天氣欠佳，令她更加緊張，Toby說：「我記得當日天氣好差，泥又濕，真係好驚！因為心理上覺得好多蟲喺泥裏面鑽嚟鑽去，拍咗兩日，重複要跌落一個窿後再被活埋，拍攝後我連內褲都濕埋。」回想被沙泥埋住的一刻，Toby表示︰「好像經歷生死一樣！原來被活埋真係好驚，因為我連頭都要埋喺泥堆裏面，嗰刻睇唔到嘢，又好難透氣！真係好恐怖！」
洗足一星期都有沙
完成拍攝後，Toby因滿面泥濘不能抹眼，故要幾位工作人員由泥土中拖她上來，Toby笑說︰「拍完起身時，要幾個工作人員拖我上去，因為唔可以即時抹眼，要先用水清洗。拍攝後便回去沖身，不過洗咗三次個頭仍然有沙，耳仔即使每日清潔，都足足一星期仍然有沙喺裏面。」
----------------------------
東網巨星開咗ig喇，大家快啲follow啦！