范冰冰認逃稅　張智霖：跟從秩序最重要

藝人張智霖（Chilam）、梁漢文（Edmond）到西九龍出席於「黃Viu煲劇平台」播放的網劇《蝕日風暴》活動，提到范冰冰終發聲明認逃稅，Chilam表示：「人哋嘢唔講喇，咁大件事。（內地綜藝限酬有影響？）有留意，因為自己都會參與，一切以奉公守法為主，最緊要係娛樂大家。（擔心影響收入？）唔重要，跟從秩序最重要。」

Chilam在劇中有不少打戲，又爆料指Edmond有不少「愛情動作戲」。Edmond在劇中與張沛樂（沙律）有床戲，他笑言只有事後一些畫面，但當沙律爬上床時毛巾鬆脫，險些睇到對方走光：「好彩我反應夠快，合埋眼就掉頭走！」Chilam笑言Edmond為何不「潤一潤」眼睛，又指若有續集會要求對調戲份！Edmond聞言笑說：「到時係我半裸爬上你張床！」