照顧病母無礙婚事　展鵬：做好自己本分

藝人陳展鵬與單文柔（Phoebe）的婚禮將於本月13日舉行，有傳他近日既要忙於籌備婚禮，又要照顧年初因中風病倒的母親，導致心力交瘁，情緒失控。陳展鵬回覆東網否認並說：「多謝大家關心，媽咪身體漸漸康復中，結婚係開心事，每個人屋企都有父母、仔女，都希望有最開心健康家庭，我做好自己本分，大家唔使擔心，亦希望外界畀小小私人空間我，我都希望多啲時間陪伴家人。」

問到婚宴婚籌備如何？他說：「基本上都完成所有嘢，安排得好好，開心事，大家應該正面態度去面對，結婚一生人得一次，唔覺得辛苦，但過程中學習好多嘢。」至於亦有指突然結婚是聽風水師之說，為母沖喜，而Phoebe與他命理相合，婚後更旺夫，展鵬說：「最重要兩人係咪覺得舒服可以結婚啦，依家年代唔同，大家唔係盲婚啞嫁，時間好重要，可以配合到我哋，我亦都會盡量為自己屋企同埋將來屋企，無論父母或子女，都希望畀到開心嘅回憶，正面訊息佢哋，自己做好呢個榜樣。至於外界所講風水玄學，我只可以講最重要相信自己嘅努大，心要善。」