同張曦雯孭重飛　馬德鐘難忘成晚濕住拍

由方駿釗監製，藝人馬德鐘（Joe）、何廣沛、羅天宇、張曦雯、劉佩玥及陳瀅主演的無綫台慶劇《跳躍生命線》，將接《延禧攻略》棒播出。故事以救護人員的工作為主軸，透過不同個案帶出救傷扶危、分秒必爭的情況。

反省生命意義

Joe在劇中飾演救護員隊目，在工作上公事公辦，生活上則是暖男。他經常飾演紀律部隊角色，做救護員卻屬首次：「以前做警察同特警多，今次係另一種制服戲，雖然都有英勇場面，但比較着重刻劃人與人之間關係情感方面，所以好有新鮮感。（最難忘係邊幕？）有場戲講打風去救人，拍足一整晚，全晚都係濕住咁拍。」

劇中他與Kelly是一對，兩人首次拍檔已見默契：「大家合作得好開心，溝通得好好，佢好聰明，有個人氣質。」對於劇集緊接《延》劇，會否擔心收視？他稱未有多想：「我相信唔同劇種都會有唔同觀眾，呢套劇係清泉，好貼近身邊人同事，畀大家反省生命意義。（有冇信心憑此劇爭視帝？）冇諗，希望救護員角色獲觀眾喜歡同受落。」

真人真事催淚

Kelly在劇中要揸電單車，所以事前到美國學車：「我去咗美國搵我表弟學電單車，佢教咗我幾晚，仲問朋友借咗部哈利畀我試揸。」對於監製大讚她做戲有天分兼有陳慧珊的氣質，Kelly坦言該劇對她意義重大：「今次戲份較重，自己都有壓力，似陳慧珊當然開心，希望我同佢一樣咁有觀眾緣。」監製方駿釗透露新劇籌備了9個月，做足資料搜集，有八成個案都是真人真事，不乏催淚場面。他坦言對收視沒壓力：「近年比較少呢個劇種，好有本土味道，相信觀眾會喜歡。」

為拍戲受傷

飾演救護員的何廣沛與劉佩玥（Moon），劇中由歡喜冤家變情侶。Moon為角色與同劇好姊妹陳瀅一齊學電單車，更因而受傷而要睇跌打！至於何廣沛則獲監製安排入學堂受訓四天，每天訓練十小時，由於是夏天，加上在烈日當空下操練，非常辛苦。

四個月搣甩廿磅

羅天宇飾演救護員主任，是馬德鐘的上司，今次是天宇入行以來戲份較重的角色，他事前做了不少準備工夫，還花了四個月減掉20磅，又因壓力太大而生了不少白頭髮。他坦言最大挑戰是面對馬德鐘：「我做佢上司，但佢嘅氣場真係好強勁、又高大，好在角色係講我好尊重佢。」