堅喎!On仔單槓上玩花式足球
組合C AllStar成員陳健安(On仔)向來都好鍾意喺公園做運動,呢日佢又喺社交網拍片分享做運動短片,但今次唔係大晒結實胸肌,而係大晒佢嘅腳法!原來On仔想挑戰自己,喺單槓上做花式足球,佢二話不說喺公園練習,雖然開頭有幾下踢到,但隨着又要顧住用手力,都實在唔係好理到個波,令On仔有幾次都失敗而回,最難得係佢冇介紹,仲借自己失敗例子鼓勵大家:「突然想喺單槓上做花式足球嘅『around the world』(即係轉一個圈),今日就走去試,無限失敗後成功換來無限快感。動漫熱血mode:『朋友呀!大家一齊失敗吧!不管行得多遠,只管將你心中的畫面成真,記得,這條路從來都不易行,但一路上都有我陪你失敗!』」相當勵志!
----------------------------
東網巨星開咗ig喇,大家快啲follow啦!