同鄧麗欣嗌交！陳凱琳激動爆粗

改編自年前哄動全城，解款車馬路跌錢案的電影《起底組》，由鄧麗欣（Stephy）、陳凱琳（Grace）、林耀聲、游學修及鄧月平等主演。第一次參演電影的Grace在戲中突破演出，一場與Stephy的嗌交戲更需要激動爆粗，Grace說：「我未試過做一個比較曳嘅角色，雖然未知觀眾受唔受落，但我決定豁出去。」

Grace的角色為人拜金，愛好名牌和炒股，導致兩姊妹經常為錢爭執。其中一幕，兩人在尖東街頭激烈爭吵，Stephy直指Grace為賺錢甘願做陪酒小姐，二人愈罵愈激、情緒大爆發，Stephy入晒戲、心痛到淚流滿面。

拍畢這場戲，Grace感恩與Stephy合作，亦不介意為電影爆粗，她說：「觀眾好聰明，識分戲內戲外，同Stephy第一次合作，覺得好奇妙，同佢對戲學到好多嘢，佢又好主動教我，大家埋位好快有默契，依家對住佢可以一秒入戲。」至於Stephy則表示平日甚少同人嗌交，所以有感今次的嗌交戲好像拍打戲一樣，聲淚俱下、非常需要體力，拍畢後非常疲累。