超治愈！胡杏兒囝囝1歲生日畀爸媽錫扁面
20181010
東網電視
更多新聞短片
Brendan生日快樂呀！
有媽的孩子像個寶，係老土啲，但胡杏兒囝囝李奕霆（Brendan）真係如珠如寶！今日係Brendan一歲生日，杏兒同老公李乘德（Philip）早已為佢搞咗個生日P，除咗啲生日蛋糕夠晒得意外，重點係Brendan人仔細細，已經表情多多，當爹哋媽咪齊齊錫到佢面珠仔扁晒嘅時候，佢就手仔擘開，好搞笑咁唔知望向邊，個樣真係超治愈！而Philip就喺社交網上載另一張囝囝獨照，見Brendan滿腹密圈咁望住蛋糕，好似想圖謀大計咁喎！
杏兒又留言講出當媽一年嘅心情：「我的寶貝兒子，感覺昨天才把你從醫院抱回家，一晃眼你已經一歲了，每天看著（着）你，希望你長大，又捨不得你長大。很感恩打從一出生你就被這麼多的愛包圍著（着），感謝所有疼愛你的人。希望你可以一直健康成長，乖乖的，要孝順奶奶及長輩，最重要的是，希望你可以一直做一個開心搞笑的寶寶，媽媽和爸爸很愛你！！」你話喇！杏兒咁錫佢，Brendan係咪好幸福呢！
----------------------------
東網巨星開咗ig喇，大家快啲follow啦！