仔女踏入青春期　47歲金南珠有咩計對付？

現年47歲的韓國女星金南珠今年憑JTBC韓劇《Misty》的美魔女角色而吸納不少年輕粉絲，她曾透露為了角色要保持47至48公斤的身型，一直只食雞胸肉同幾片紫菜包飯，本來喜歡食辣的她又要忍住不吃濃味的食物，故拍畢劇集後便與老公大擦一餐。

而她前晚就亮相節目《深夜正式演藝》，談到她的14歲的女兒及11歲的兒子，她指一對仔女都知道她是有名的演員，又笑言最近開始有「中二病」（青少年的反叛期），又即時模仿女兒的坐姿：「佢坐得愈來愈斜。」當主持問：「咁佢有冇闖禍？」金南珠就搞笑地對鏡頭說：「你係青春期，我就係更年期，睇吓邊個贏啦！」

金南珠表示有努力去理解子女的想法，坦言做媽媽真的不容易，而她亦有盡量抽空出席與其他家長的聚會，同其他媽媽傾計，一起分享教子女的方法。

另外，金南珠早前出席化妝品店的開幕活動，她以暗藍色套裝襯白色裇衫，相當高貴。