梁敏儀Deep V寫真性感又有型

藝人梁敏儀早前拍攝了一輯工作造型照，出來效果相當不俗，她表示：「呢輯相用咗大半日時間去影，今次搵咗一位朋友介紹嘅女攝影師，我上過佢社交網站睇到佢有幫唔少藝人影過相，影得好靚，所以聯絡咗佢。我哋影相之前冇見過面，只係靠短訊聯絡，佢覺得某啲類型嘅造型好適合我，我一睇亦係我想影嘅，大家就一拍即合。」她又指衫與造型都是自己去搞，最終拍出了三個不同風格的造型照，她笑言：「三個造型都好唔同，好似拍咗三個唔同嘅我，我最喜歡黑白嗰輯，因為貼近我自己嘅性格，我比較喜歡型格少少嘅嘢。」

其中一輯相的造型是穿上大Deep V上衫，原本想用Nu bra加強立體效果，但最終覺得有點格格不入，所以最終沒有用到：「嗰件衫平時出街一定着唔到，影相就冇問題，再加上今次係女仔影，為咗出嚟感覺強烈，曾經諗過用Nu Bra，但出嚟效果有啲夾硬，所以做咗安全措施就算。」