袁和平要求高 鄭嘉穎打腫周秀娜唔收貨

20181012
東網電視
更多新聞短片
袁和平(左起)、張晉、鄭嘉穎及周秀娜出席釜山電影節。
由張晉、鄭嘉穎、譚耀文及周秀娜主演,甄子丹監製的功夫動作電影《葉問外傳:張天志》成為今年第23屆釜山電影節閉幕電影,電影同時亦是首部功夫動作電影入選閉幕禮,執導的袁和平(八爺)率領一眾演員參與閉幕電影記者會,吸引過百傳媒採訪,場面盛大。
作為武術大師,八爺表示電影的武打場面跟過去的都有分別,他特別舉例在招牌街的打戲,張晉與其他演員要站在招牌上打,過程都很危險,八爺與團隊便用了差不多兩星期進行試驗後才開始拍攝,絕對是一個新嘗試。不過,張晉其實有畏高,所以拍攝時也一步一驚心,張晉說:「我有畏高症,企喺招牌上面欣賞風景仲可以,但拍攝動作戲就係好大嘅挑戰。八爺設計場面時,已考慮到喺咁高嘅地方對打時嘅各種問題,設計都做到好精準。」
能夠跟八爺合作,各演員都充滿期待,譚耀文還以為自己可以變成功夫演員,他說:「點知我只係演反派,唔使打功夫。」鄭嘉穎與周秀娜也有動作場面,不過卻是一個打人一個被打。周秀娜說:「以為終於可以參與很有名嘅動作設計場面,點知我係被打嘅角色,拍攝第一個星期,我就畀人打足一星期。」
鄭嘉穎也說:「我嘅角色比較狠,拍攝第一天就要打周秀娜,一巴一巴打埋去,聲音大到在場嘅人都聽到,打到佢都就快暈,但八爺仲係要NG重拍,要我再用力去打。第二次我嘅心都就快要跳出嚟,周秀娜嘅臉都打到又紅又腫,所以我就讓八爺睇吓周秀娜塊臉,由此可見八爺對動作場面嘅要求非常高,打跟被打都好辛苦。」同樣辛苦的還有柳岩,她一加入劇組就要打,柳岩說:「打咗一個星期,打到痛苦到喊,但仲係要打。其中有一場係要用櫈去打,但我打到畀櫈夾到手,痛到喊。我問可唔可以不用櫈打,但得到嘅答案係唔得,結果反覆練習多次,我終於過關。」