【貢獻社會】溫碧霞關注內地貧童冇書讀

藝人溫碧霞（Irene）以大使身份出席慈善籌款晚宴，同場還有藝人陳昭昭。Irene說與「慈善女皇」名媛趙曾學韞相識已久，為對方創立的慈善機構擔任大使多年，她十分欣賞趙太有魄力，凡事親力親為，她說：「佢幫咗好多山區小朋友有書讀，幫助耳患眼患問題嘅小朋友及長者，趙太又好錫我，所以會支持佢。」而她曾隨趙太到四川探訪，令她印象相當深刻。問到會否帶同兒子Xavier到內地探訪？她說：「好細個已經教佢要幫助人，做人要有愛心，佢都係被收養，佢係好幸運！將來長大後，佢有機會都要貢獻番社會。」

她又指兒子有捐玩具及利是錢給慈善機構，亦有在香港探訪老人家。Irene尤其關心長者，有想過興建護老院，而她亦關注內地小朋友沒有機會讀書的問題，故早年有在大陸興建學校。另外，她又提到構思了一個少女成長的故事，並會圍繞她成長的地點調景嶺拍攝：「覺得每個人成長都要勿忘初心，要記得以前細個，唔好忘記自己。（有份投資？）我係參與者。（係咪你細個嘅故事？）唔係。」她說今年特別忙，要經常出埠工作，但愈忙就愈開心。