交流扮靚心得 朱紀菲林安兒喪試衫

2018年10月13日 05:15
東網電視
更多新聞短片
朱紀菲同林安兒試咗多款靚衫。

財經女主播朱紀菲(YEnnas)孖新進歌手林安兒(Ankie),早前拍攝同時裝店創辦人Shan Shan交流扮靚心得,拍攝期間,兩女試咗多款靚衫,老闆笑言似做Fashion Show!

YEnnas早前由直播室走出去做埋財經記者,訪問上市公司主席,原來佢起初接到通告時都怕,因為之前是訪問股評人,但佞依家要訪問上市公司主席,坦言好大壓力:「要做足功課,每次訪問完後,我都會同各位主席自拍留念,並當鼓勵自己。」其實呢個自拍一啲都唔簡單!做得上市公司主席,身邊都好多高層圍住,能夠同主席自拍,令YEnnas諗起以前追星嘅回憶:「以前試過追星同偶像周柏豪自拍過,又緊張又興奮!冇諗想過原來同上市公司主席自拍時,都有心跳加速嘅感覺。」