湛琪清再晒婚照　朋友誤以為已經結咗婚

藝人甄子丹太太汪詩詩表妹湛琪清（Jessica）早前同未婚夫金承威去咗意大利影婚紗相，不過結婚係人生最重要嘅事之一，婚紗相梗係唔會嫌多啦！呢日Jessica就同未婚夫喺香港影第二波婚紗相，佢喺社交網率先甫出幾張婚照畀大家先睹為快。

相中見佢先着上露膊長裙大騷鎖骨，之後再換上大露背裝勁晒白滑玉背，未婚夫仲將佢攬入懷中，而佢就展露冧爆甜笑，認真sweet到漏！公開婚紗照後，唔少朋友都以為Jessica已經正式結婚，令佢都急急發文澄清只係影婚紗相，不過就透露婚禮好快就舉行。