冇親密場面?馬國明有苟芸慧做「老婆」

2018年10月13日 17:05
東網電視
更多新聞短片
你就爽啦~~~

藝人馬國明、麥美恩(Mayanne)出席宣傳澳門的旅遊活動,Mayanne就話多數過大海睇騷:「今年農曆新年就趁屋企人嚟香港,就同佢哋去澳門玩幾日,都幾充實,但就冇去賭場。」身旁馬明就話平時都會過澳門玩,因為好方便:「都有入賭場,但就麻麻地賭錢,難得去到就入去望吓囉。(入去望女仔?)都望吓囉!無理由唔望嘅,靚就望!」認真爆笑!

無綫裁員感可惜

講到無綫最近又再裁員,馬明感嘆指好可惜:「但呢啲高層嘅嘢,我哋都唔清楚,希望唔好再炒人。(被炒啲人識?)都識嘅,據我所知有啲就轉咗部門,但呢啲都係公司嘅決策,都唔方便講咁多。」被離開公司嘅同事有經濟壓力?二人冇正面回應,而Mayanne就話:「好多方面都可以合作番,可能佢哋有第二個身分,出面嘅需求都大嘅。」馬明續話說:「佢哋應該都會好快搵到工,希望唔好影響到人。」

專同人妻演愛人

提到馬明首次參演《飛虎》系列,他抵死笑指公司知道自己鍾意人妻,故找來準人妻苟芸慧做劇中老婆:「就嚟開拍,劇本都未有住,冬天拍係舒服啲,苟芸慧就做我老婆,第一次同佢合作希望有新嘅火花,我識得望佢隻眼去欣賞佢。(有冇親密場面?)暫時都冇。」