竟然冇錢!容祖兒首次踏足東大門嗌大開眼界

20181013
東網電視
更多新聞短片
有冇咁搞笑呀?!
樂壇天后容祖兒接受時裝品牌邀請到韓國出席活動,在晚上的party之前,品牌安排祖兒化妝課程,她說:「學到嘢㗎,佢哋安排咗我去睇face mapping片,用人面結構去教我哋點樣可以令自己嘅妝容同輪廓更加立體。」
大頭蝦差啲搵唔到食
今次韓國之旅雖屬快閃行,但她和同樣被邀請出席活動的好友黃偉文(阿Y)到處又飲又食又買,還有幸跟韓國天團Big Bang成員勝利見面。而向來大頭蝦的祖兒在當地也烏龍事頻生,她說:「噚日做完嘢之後,我同阿Y諗住一人一日安排食晚餐。第一日佢安排,好好味,係一粒星嘅米芝蓮;第二日,我好鬼死老定帶佢去我食開好好味嘅人參雞補吓啦,點不知去到嘅時候變咗個地盤喎!天氣又愈嚟愈凍,我哋做完成日嘢未食過嘢,諗住求其搵個地址食,又搵極都搵唔到喎,最後都係喺番阿Y之前畀我一堆餐廳嘅list入面搵咗一間,要成廿分鐘車程先去到嘅一間烤肉店,所以最後其實嗰間餐廳都係阿Y介紹嘅,哈哈。」
首次踏足東大門
曾到過韓國四次的祖兒,原來首次踏足東大門:「冇去過佢哋傳聞中最神聖嘅東大門,噚日食完飯,最後一個晚上,我聞到我嘅化妝師、髮型師、助手,好似有一股想去東大門嘅興致,我就話不如我都一齊去。大家都會覺得我一定覺得好新奇,的而且確我係大開眼界嘅!因為嗰度真係包羅萬有,但最好笑嘅地方係我冇錢!冇韓圜亦都冇港幣、又唔畀碌卡,最後我助手畀咗二千蚊我買嘢,哈哈,咁我就要揀得好挑剔、好謹慎咁去買,買咗幾對耳環。」