Bob送生仔秘方 蕭正楠:你話煎Pan唔得?

20181013
東網電視
更多新聞短片
Bob有意送生仔秘方畀展鵬。
藝人林盛斌(Bob)、蕭正楠(阿蕭)及張振朗出席無綫節目《美女廚房》宣傳,談到「美女學徒」單文柔與陳展鵬(煎Pan)今日結婚,三子也戥一對新人高興,阿Bob更大讚單文柔好Nice,他謂:「嗰次叫陳展鵬上節目做嘉賓,簡直將佢哋感情昇華。」阿蕭亦謂:「見佢哋喺廚房嘅互動,幾驚佢將廚房變睡房。」問到會否夾份送禮物?阿Bob表示有意送生仔秘方,阿蕭聞言即抵死謂:「咩你覺得『煎Pan』(陳展鵬)唔得㗎咩!?」阿Bob笑謂:「哎呀!嗰啲Pan Pan聲喺行動上,唔係食療上啦!」
對於《美》因讓路給內地劇《延禧攻略》停播一個半月,今晚節目終於可以歸位,三子也大感高興,Bob坦言該時段收視一直接近23點,乃周末同時後很久沒有出現的數字,問到節目會否再添食?Bob即把茅頭指向張振朗,踢爆對方工作掛山倒海,度期很困難,在旁的阿蕭更加把口謂:「有部電影想搵我哋三個一齊拍,都真係幾驚喜嘅,但依家要真係度到期。」被兩男夾攻的張振朗尷尬回應:「我梗係想一齊拍,要問吓有冇人肯放期,依家我一部劇喺手啫!」
---------------------------
東網巨星開咗ig喇,大家快啲follow啦!