搵衛詩雅拍MV 許靖韻冇現場睇床戲呻笨

2018年10月13日 19:32
東網電視
更多新聞短片
許靖韻搵咗衛詩雅同黎學勤幫手拍MV!

歌手許靖韻(Angela)包辦作曲兼主唱嘅國語歌《事與願違》MV日前出街,她找來同門師姐衛詩雅(Michelle)擔任女主角,男主角就由廣告型男黎學勤(Jeffery)擔任。MV由微電影剪輯而成,講述Michelle發現拍拖多年的男友Jeffery偷食。

一開始覺得好尷尬

講到拍攝趣事,Angela笑言一定是Michelle與Jeffery的床戲,她興奮地說:「呢次係我第一次睇人拍床戲,我覺得好新鮮,哈哈。一開始我覺得好似好尷尬,睇咗少少就出咗去食嘢,依家諗番覺得好後悔,應該要睇晒佢。」Michelle指拍攝「床戲」時她真的瞓着了:「因為拍之前一日我有其他工作開通宵,拍微電影當日拍攝時間都比較長,由一朝早拍到第二日凌晨五、六點。我拍到尾二個景係喺張床,因為太攰我最後真係瞓着咗,要工作人員叫醒我先知要換場。」

親自欽點黎學勤

Angela直言是她親自欽點Jeffery:「因為平時見佢形象好正面,唔似賤男,所以專登搵佢突破一下,畀觀眾一個驚喜。」今次她更負責編劇:「第一次嘗試編劇,覺得幾好玩,最難係諗點樣將一啲對白同古仔連埋一齊。」問若遇到微電影中的情況會怎樣?她表示:「頭幾次都會選擇原諒,因為覺得好愛,但到過咗一個位、或者過咗底線嘅時候,就要忍痛分手。」

試過偷睇男友電話

而Michelle自爆小時候試過偷看男朋友電話:「依家大個咗一定唔會咁做,尤其是你好鍾意呢個男朋友嘅時候,因為你一定會喺佢電話入面發現到你對佢唔滿意嘅嘢,所以依家嘅我如果搵到一個我好愛嘅男朋友,我會選擇唔去知,我覺得咁樣會舒服啲。」

----------------------------
東網巨星開咗ig喇,大家快啲follow啦!
https://bit.ly/2JjSVcr