Lokman唔畀狄以達做Dancer 怕被搶風頭!

2018年10月13日 21:10
東網電視
更多新聞短片
Lokman叫狄以達蒙面呀!

ViuTV選秀節目《Good Night Show全民造星》的冠軍明晚揭盅,最後十強今日進行拜神儀式,其中被表演嘉賓釗峰、好友狄以達睇好的參賽者Lokman受訪時,謙虛指都好感激二人的支持,更自爆婉拒狄以達自薦做Dancer的好意:「佢話如果喺自選環節我有需要,都可以幫手跳,蒙面都得,但驚佢搶我風頭,所以叫咗其他兄弟幫手。」覺得自己有優勢?Lokman信心十足話都有,加上狄以達及釗峰都有一定的號召力:「IG都多咗Fans支持,都多咗萬幾人(追蹤)。(聽日點拉票?)會做番拿手啲嘅跳舞,另一Part就會唱歌,但就同一開始參加比賽到依家嘅我都有啲唔同。」

至於另一參賽者Ian就指信心一半半,因為其餘的參賽者都有一定實力,所以都係諗住做好表現畀觀眾睇:「一開始對勝負都唔係睇得太重,參賽目的都係想多啲人認識,或者得到人哋認同,而喺比賽過程當中已經達到目的,又有一班fans支持。」續指Fans為支持自己,一早準備好打氣物品、易拉架、又會私下傾好Dress Code,故都感到好開心,講到自選表演環節,Ian表示可以再更加熟練。問到可有信心拍劇?他指之前曾拍攝過網劇,都有幸被當時的監製、導演讚賞,之後都想作多方面發展。