賴弘國做跟得老公!阿嬌爆肚阿Sa唔識接

2018年10月14日 05:43
東網電視
更多新聞短片
Twins澳門開騷!

組合Twins在澳門威尼斯人舉行巡唱終點站,跟香港場一樣都是開四面台,鍾欣潼(阿嬌)老公賴弘國亦有到場支持,全情投入望住台上的阿嬌,期間更拍照留念。兩女身穿短打露腿又跳又唱《着睡衣跳舞》打頭陣,期間行去兩旁Catwalk與大家近距離接觸,大家即歡呼尖叫。之後連續又跳又唱多首快歌,包括《二人世界盃》、《愛情當入樽》等。唱完《多謝失戀》後,兩人終於跟大家打招呼,她們表示:「你哋好勁呀!咁都買到飛,有邊個睇晒咁多場?有23場,本來以為5月係最後一場,但冇理由美加係最後一場架嘛,澳門近香港,內地粉絲又可以嚟,又可以開四面台,呢個台根據香港台搭建,所以好近觀眾。」

Twins入行18年

唱完一連串慢歌《眼紅紅》、《丟架》後,兩人表示眨下眼已出道18年,阿嬌此時想講個小插曲:「有2個同事想去賭場,但畀保安Check夠唔夠18歲,但我哋就入咗行18年,係咪好跳(tone)?」蔡卓妍(阿Sa)即尷尬笑:「死啦,我接唔到添,你係咪想講我哋入咗行18年,但係唔似呢?」之後兩人唱出《相愛六年》。唱完《飲歌》後,兩人等大圈圈降下來,但阿嬌似乎走錯位,其後但因故障問題,大圈圈卡住了未能降下來,兩人就行去與大家握手,到坐上大圈圈準備升起時,阿嬌自爆剛才等升降時扭親,之後兩人唱出《風箏與風》等金曲。

觀眾太熱情 阿Sa皮都甩

兩人表示今年因拍戲所以少時間見面,阿Sa表示:「上星期阿嬌冇啦啦Send Message畀我話好掛住我,我當堂打個突,我哋平時都唔會講呢啲。」阿嬌笑言:「我上完個真人騷《爸媽學前班》之後開朗咗,要強逼對住一班陌生人所以特別掛住你。」之後兩人與觀眾握手,期間阿Sa慘叫畀人抓到成塊皮甩了出來,苦笑謂:「你哋係咪淨係鍾意阿嬌,唔鍾意阿Sa。」期間阿嬌行去老公附近,但老公沒有特別企起身,之後兩人又跳又唱《大紅大紫》等歌。期後到點歌環節,兩人唱出《朋友仔》、《朋友的愛》等歌,最後以《戀愛大過天》作結演唱會。
----------------------------
東網巨星開咗ig喇,大家快啲follow啦!
https://bit.ly/2JjSVcr