【鬚根拮面】黐身爸爸陳柏宇抱實個女頭貼頭

藝人陳柏宇（Jason）自從喜獲千金之後就變成「女兒控」，幾乎成個社交網都甫緊囡囡Abigail嘅生活點滴，呢位黐身爸爸簡直係有女萬事足！呢日Jason再度晒出一條片，佢手抱住囡囡、頭貼頭，面上流露出冧爆笑容，當囡囡用手輕輕掃一吓Jason個鼻，Jason就即刻眼甘甘望實囡囡，搞到網民都忍唔住笑佢係「癡漢陳」！有網民將Abigail個動作解讀為叫Jason剃鬚嘅意思，搞笑留言話：「Abi：爸爸鬍鬚吉吉（拮拮），剃鬚啊??」

另外，Jason仲好百厭地甫出一張Abigail熟睡嘅相，不過表情就一言難盡…Jason留言：「你係邊個…」如果Abigail第日大個女睇番呢張相，都唔知好嬲定好笑！