【港女Camping】陳婉衡高炒晒線敷Mask

無綫咪神陳婉衡（Alycia）向來熱愛戶外活動，佢仲趁住假期去沙灘露營添！佢喺社交網甫出多張靚相，見佢準備充足，孭晒睡袋、地蓆，又帶埋cap帽同黑超，絕對唔係玩玩吓！

雖然佢以一身運動打扮上陣，但同樣超有睇頭，佢着上白色高腰短tee大晒小蠻腰，加埋低胸設計令36E上圍「胸」湧而出，真係勁吸睛！一向識做嘅Alycia除咗喺山路上擺甫士影靚相，去到營地仲近鏡高炒自拍晒深長事業線，大派福利！而靠靚樣搵食嘅佢，就連去camp都不忘保養，敷住黑色面膜企喺帳篷前，自稱「港女Camping」，唔知會唔會嚇親隔籬其他營友呢？