擔心老婆同個唱！黃翊自爆瘦剩129磅

歌手黃翊、露雲娜和師弟歐信希出席慈善起步禮活動，講到黃翊將於本月23號開騷，露雲娜笑問他為何不請她做嘉賓？黃翊笑言：「因為我冇你電話囉，唔好意思問女仔攞電話嘛。」露雲娜則表示一定會支持他開騷。問到兩人可試過同台？黃翊表示：「有一齊上『流行經典50年』，但就冇試過合唱，其實我係露雲娜Fans。」露雲娜笑言那次黃翊見到她很開心，真的是她粉絲，二人亦有拍照留念。

開騷冇胃口

講到黃翊的個唱進入最後倒數階段，他指以前聽到其他歌手為個唱操弗及排舞覺得好煩，但估不到到自己開騷都是這樣，現操弗到只剩下129磅，比以前更瘦，他謂：「愈來愈瘦，可能就嚟開騷，壓力下冇乜胃口。」

太太精神差

問太太可有心痛？黃翊謂：「佢（太太）呢排身體唔係咁好，都入咗醫院。（之前陪你出街仲幾精神？）因為佢有腎病，每晚喺屋企都有洗肚，所以第二朝佢好精神會周圍走，但呢排精神就差啲。」問是否因擔心太太而瘦？他說：「唔多唔少，好似一陣去完醫院、就去練舞，之後就會再去醫院探老婆，跟住再返大排檔。」