出門見紅！薛家燕撞甩腳甲狂標血

藝人薛家燕出席啟動禮，現場有逾千人泡茶，創造健力士世界紀錄。家燕姍姍來遲，她解釋因出門時腳趾不慎踢到鐵閘：「成塊腳甲甩咗，流咗好多血，要換過對露趾鞋，否則行唔到路，都未有時間睇醫生。」

問到人生中飲過最開心的茶是否新抱茶？家燕直認不諱，又大讚新抱孝順：「佢不時會煲湯同煲涼茶畀我飲，我好開心可以家庭共融，其實係需要以身作則，我哋幾姊妹都好孝順父母，我爸爸成日都話自己好有福氣，佢活到一百歲。」她認為百行以孝為先，所以在其12月舉行的個唱中也特別加入道德經典文章《弟子規》：「我叫王梓軒幫我用《弟子規》作咗首新歌、加入Rap，會用Hip Hop演繹，搵咗我學校十幾個學生去跳，希望畀大家知道我嘅用心良苦，帶出中國人文化以及以家為本，係個全新表達。」

至於何時抱孫？她笑言：「生咗我個仔先（完成個唱），希望出年有成果，唔好畀壓力佢哋，佢哋有計劃，新抱月尾會去紐約上幼兒教育嘅課程，我個仔都會陪埋佢過去。」