女孩變天后！容祖兒被一句歌詞搞到爆喊…

樂壇天后容祖兒相隔六年推出全新國語專輯《答案之書》，談及第二首主打《長大》時，她說：「一收到呢首歌已經被感動，有感而發寫咗一封信畀過去嘅自己。」其MV故事講述祖兒扮演歌壇天后，與渴望成為歌手的女孩在擦肩而過時瞬間互換靈魂，展開不一樣的人生。女孩體驗了大明星工作的辛苦，而祖兒彷彿回到當初未出道的自己，所以當兩個交換的靈魂回到自己的肉體時，更能體會彼此、珍惜擁有的酸甜苦辣。

演活懵懂女孩

在台灣拍攝MV時，祖兒在琴行落手落腳搬樂器，空閒時就拿起結他自彈自唱，被同事指「估你唔到」，但又演活了初出茅廬的女孩。新歌令她回想起當年從一個愛唱歌的懵懂女孩，漸漸一路走上璀璨舞台：「過往嘅挫折、淚水、開心、成就感，都喺呢首《長大》中歷歷在目。」她又指尤其是唱到「發了誓不容許平淡，才將小小的自我無限地放大」這句歌詞，讓她淚水潰堤。對於早年的批評，她堅強地去證明自己：「嗰時真係憑一個字，傻！但如果冇嗰份傻勁，又點會有依家嘅自己呢？以前執着嘅事，依家都可以漸漸放下。」

祖兒回顧歌壇路時感性地說：「失去嘅係青春，但換來嘅係人生智慧，包括接受自己嘅缺點，因為真正了解、面對咗自己，希望每個人都能更愛自己。」