【地位超然】朱晨麗賣口乖：多謝公司畀機會

藝人朱晨麗與田蕊妮於今晚台慶亮燈排位企正中間，更被安排站在汪明荃身邊，可見相當受重視。她事後孖住台慶劇《兄弟》拍檔伍允龍齊齊受訪，談到「地位超然」，她笑答：「榮幸，多謝公司畀機會我。《兄弟》有一班好演員，值得大家留意嘅。（你去年攞最佳女配獎，今年升呢角逐女主角？）隨緣啦，獎項嘅嘢交畀神。」她又指去年大約這個時間忙拍《兄弟》：「同伍允龍拍咗一場戲，就上飛機去外景，一落機就拍求婚戲，未認識就要求婚嘞。」

而伍允龍完成《兄》劇的拍攝工作至今已休息半年，他表示：「之前喺美國開會，同埋陪父母、過生日啫！嚟緊會留喺香港宣傳，同埋嚟緊會幫無綫拍劇喇，都好期待！」