【神秘婚禮】古巨基婚姻註冊處求婚夠驚喜

錫礦大王陸佑後人陸漢洋上月為苟芸慧於多倫多安排神秘婚禮，邀請女方親朋好友出席，令佢感到溫馨又驚喜，圈中亦有唔少藝人為另一半花盡心思，炮製難忘又驚喜回憶！

古巨基

歌手古巨基2014年喺美國拉斯維加斯同Lorranine註冊結婚，事前基仔為保持神秘，安排婚紗禮服同埋化妝師一早到達當地。求婚當日，基仔帶同Lorranine到婚姻註冊處求婚，之後到教堂行禮及影結婚相，令懵然不知嘅Lorranine大為感動，更眼濕濕出嫁。

陳展鵬

啱啱今個月結婚嘅陳展鵬，為老婆單文柔有個完美浪漫求婚真係絞盡腦汁，知道單文柔鍾意手工藝，第一次親自摺紙戒婚用嚟求婚，點知單文柔唔收貨。第二次展鵬安排去英國影婚紗相，除咗幫對方來回行廿層樓梯拎婚紗外，仲喺英國街頭單膝下跪求婚，令單文柔夠晒感動。

科林

DJ科林舊年為畀老婆Wing一個難忘婚禮，聯同「撞面兄弟」吳國敬夾計炮製以假亂真車禍，出動埋救護車呃Wing話科林受傷。點知呢個時候，科林着起西裝喺街頭同Wing求婚，最終成功抱得美人歸。而科林同日更一早Book好場地，預備好婚紗同埋化妝師，仲邀請埋雙方家人同朋友，帶埋Wing轉場註冊結婚，半日內完成人生大事。