【第10次做姊妹】李亞男胎動：BB鍾意燈光！
20181019
東網電視
更多新聞短片
李亞男要小心呀！
苟芸慧（苟姑娘）與陸漢洋今午於香港舉行婚宴，姊妹團由李亞男、王君馨、岑麗香（香香）、伍詠薇、倪晨曦、潘曉彤、梁嘉琪、簡慕華及一位圈外好友組成。已有7個月身孕的亞男挺住大肚現身，她透露已做了10次姊妹，故宣布正式「退休」，她謂：「做埋呢次，我啲姊妹已經嫁晒，所以完成使命，我肚入面嘅囡囡第一次做花女，感覺到佢郁，佢似乎好鍾意啲燈光。（你會唔會教苟姑娘點做人妻？）一陣會有少少分享，其實我經驗都只係兩、三年啫！唔係好多。（咁教佢御夫術？）之前我哋有見婚姻輔導，都介紹埋畀一對新人，佢哋好努力，上堂多過我同祖藍。」
而君馨被問到會否教苟姑娘如何掌管老公財政？她笑指對方很多興趣，理應教她如何儲錢。講到姊妹團獨欠鍾嘉欣，她謂：「我哋有一直傳相畀佢，一陣都會同佢FaceTime，影相都留個窿畀佢key落去。」而她更在自己社交網寫上「#Bye Bye處女黨」，至此，處女黨正式解散！
至於香香就表示擔心晚宴會感動到喊，故已帶定紙巾旁身。
----------------------------
東網巨星開咗ig喇，大家快啲follow啦！