一王兩后激嬲阿廉？定欣子羚嗌蕭正楠細力啲
20181019
東網電視
更多新聞短片
曹永廉喺房門外聽到蕭正楠呻吟，仲聽到姚子羚同胡定欣嗌阿蕭唔好咁大力！
無綫藝人胡定欣、姚子羚、蕭正楠及曹永廉早前飛到瑞士為旅遊節目《兄弟姊妹去旅行》拍攝，佢哋連日嚟邊玩邊喺社交網分享旅行靚相，唔少網民都表示好期待節目快啲播呀！繼尋日晒出兩男兩女共浸一池嘅溫泉相後，今日又有新花絮流出，仲可以聽到胡定欣同姚子羚叫蕭正楠「細力啲」，到底搞邊科？
諗計整蠱壽星仔
佢哋成班向來老友鬼鬼，尤其蕭正楠同曹永廉成日冇嚟正經，唔整蠱對方都唔安落！今個月16日係曹永廉54歲生日，劇組早於上星期已經喺當地同佢預祝，仲花盡心思諗計仔整蠱壽星仔，認真歡樂！
網民大讚有愛
當日「目標人物」曹永廉喺酒店房門外，偷聽到裏面嘅蕭正楠「嗯～嗯～嗯～」喺度呻吟，之後仲聽到姚子羚話：「阿蕭唔好咁大力呀！」，胡定欣亦大叫：「細力啲呀！」曹永廉即時嬲嬲豬，拉開外套拉鏈話：「呢條衰仔，有好嘢唔預我！」佢衝入房後發現，原來佢哋連同成班工作人員預備咗生日蛋糕送上驚喜，仲齊齊唱生日歌，好有氣氛！唔少網民話呢班好友同埋同事相當有愛，喺職場上買少見少，非常難得。
網民有話兒
hktvbfan：感動到想喊 ?
alyolo77：等唔及想睇節目喇??
gennicatsao5484：Happy birthday阿廉!!!
leungcheukm：蕭正楠同曹永廉真係好FD 見到都開心～～
----------------------------
東網巨星開咗ig喇，大家快啲follow啦！