曾秘密同居　後藤真希爆當年同老公分手內幕

日本女團Morning前成員33歲後藤真希，4年前與細3歲圈外人老公結婚後，育有兩名仔女，近年一邊湊小朋友，一邊以媽媽藝人的身份活動。她昨晚便亮相諧星組合Downtown的節目，罕有地自爆私生活。

早前後藤真希與外甥勸修寺保都上綜藝節目，被外甥爆屋企有兩個顯示器，6個Online Game戶口，日日沉迷打機，是名副其實的「打機廢人」，後藤真希亦承認退出藝能界後，變得好自由，所以自己鍾意做乜嘢就做乜嘢，於是就沉迷打機。對於日日打機，有沒有做到母親的本分，她回應當然有做母親本分，仲有鬧仔添！

後藤又自爆同老公的關係，她透露當年做偶像時，她已同現任老公秘密同居，她坦言當時出入都要偷偷摸摸，兩個人外出拍拖完全冇可能好困難，出入亦要用老家的後門，但親戚都知道呢件事。她曾向母親提出同老公結婚，然後辭去工作，但被母親大力反對，而老公對母親亦有微言，其後兩人分手，6年後才復合並結婚。