張之珏悼岳華：佢係我最尊敬嘅頭號藝人
20181021
東網電視
更多新聞短片
張之珏（左）與岳華是多年的老友。
資深實力派甘草演員岳華在加拿大時間昨日不幸離世消息，終年76歲。好友張之珏受訪時非常傷心，他說：「本來半年前喺香港同華哥同恬妮食晚飯，華哥特登請我同佢見面，我話明年我啲戲完咗部分就一定嚟加拿大探你，佢就話一言為定。我前年去加拿大咩人都冇搵，淨係見咗華哥同恬妮，依家記得仲好似尋日發生嘅事。」
冇人可以替代
他指岳華是全香港藝人之中，他最尊敬的頭號：「喺我心目中冇人可以替代佢。佢嘅演技、笑容、親切友善……」說到這裏，張之珏深呼吸了一下，續說：「1982、1983年開始我搞舞台劇，華哥做咗我四個戲，我哋一齊去紐約參加喺百老匯嘅演出，又做慈善。」
每年約食大閘蟹
張之珏與岳華之間有非常多回憶，他表示多年二人的交往從沒間斷：「喺香港時每一次大閘蟹上市，佢都會打電話畀我叫我食飯，恬妮就會炮製啲美食，有時就打邊爐，睇住佢個女長大，我前年去加拿大仲有同佢個女同女婿一齊食飯，好開心，我依家唔知想講乜嘢……」張之珏再深呼吸後說：「總之華哥嘅離去……喺我心入面……係冇辦法可以填補。」
語帶哽咽道不捨
張之珏指岳華做過他的舞台劇《吾妻正斗》、《花心大丈夫》等，而《花心大丈夫》更令對方的演藝事業更上一層樓，因為當年岳華是唯一一個憑演舞台劇而得到十大演藝人的提名。最後張之珏語帶哽咽地說：「華哥，永遠永遠想念你，I Love You！」張之珏續指自己今日更忽然戴上一隻由岳華贈送錶帶的手錶：「十多年來冇戴這錶今天心中有感覺帶這錶返港帶上時仍未知華哥走咗！當年華哥知道我手錶帶斷咗，送上這皮帶，佢話絕配。我第六感好奇妙。」
發訊息慰問Faye
張之珏亦透露剛發訊息給岳華女兒Faye，訊息如下：「there's absolutely nothing nothing in this world I could think of even, comes close to the humility, humour, kindness that your Dad has brought to this world, he is very missed, very, hugs（我諗唔到呢個世界上有任何嘢可以接近你爸爸曾為世人帶嚟嘅謙虛、幽默、善良，我永遠永遠懷念佢，送上我的擁抱）」
----------------------------
東網巨星開咗ig喇，大家快啲follow啦！