【童年回憶】小塵埃開騷請葉蘊儀夢幻合唱
20181022
東網電視
更多新聞短片
觀眾都好Enjoy～
組合小塵埃於九展舉行首個售票音樂會，暖場嘉賓黃妍（Cath）唱出《如何從夏天活過來》等歌後，小塵埃成員Pollie與Jonathan出場獻唱《貓大人息怒》及《陪着你走》等歌曲。演唱會以旅程為主題，螢幕播出二人親自演出，講述旅行心情的短片。唱至《哪兒》時，原唱者葉蘊儀（Gloria）現身，令觀眾大感驚喜，Pollie亦直言：「好唔真實！」
好睇到冇廁所位
騷後小塵埃與Cath齊齊受訪，Pollie坦言心情興奮、開心和感動，但忍住沒有喊：「我哋盡咗最大努力，希望大家有難忘嘅旅程。」少在大場演出的Cath則自爆緊張到震，又讚演唱會好睇到令她不想去廁所：「好多位我都感動到眼濕濕，尤其聽番佢哋第一首歌，我畀滿分！」
大讚葉蘊儀冇架子
Pollie認為最感動是以說話流露情感，很想講多些，但時間不夠。Jonathan指他們一早跟朋友構思好講稿，怕上台後腦袋會一片空白。二人自評做到心目中的八成，其餘兩成就是太緊張。問到為何請Gloria擔任嘉賓？他們表示由翻唱《哪兒》開始，已幻想跟原唱者合唱：「綵排嗰陣先知佢真係應承嚟，佢好可愛，好好人，好慈祥，好照顧我哋，好冇架子。」至於下次可會挑戰更大場地？他們認為大小也無所謂，希望有多些機會演出。
----------------------------
東網巨星開咗ig喇，大家快啲follow啦！