欣賞豐子愷作品　漢洋跟祁文傑學品畫

歌手漢洋日前出席好友漫畫家祁文傑舉辦嘅畫展，原來係祁文傑將收藏多年嘅已故著名畫家豐子愷嘅作品舉行展覽，漢洋自嘲冇乜藝術細胞：「祁文傑教我點睇畫，要睇佢畫功、寫字同埋印章，而去評估幅畫嘅價值，咁我自己係好鍾意了解幅畫背後嘅故事同味道。」

問漢洋會唔會考慮買畫收藏，作為另類投資？他笑言：「嘩！欣賞吓好喇，太貴我買唔起。（買入門嗰啲試吓？）如果我有錢，我都有興趣，我會買有畫有字嘅作品，因為自己留意書法多啲。」