聖誕同另一半過？杜小喬呻：做嘢先

網紅杜小喬出席有份配音的動畫首映，透露聖誕將於工作中度過：「我好想同另一半度過，不過未有機會，做嘢先。（未有另一半定未有時間？）大家諗吓，我都唔知呀，哈哈！」她坦言不用開工就會留在家，大呻沒時間睡覺，而稍後就會拍攝網上飲食節目。

另外，小喬指這次配了兩個截然不同的角色：「之前試過做VO，卡通配音就第一次，好彩有專業配音員喺隔籬指導。佢一出聲我就覺得佢唔係呢個世界，而係二維世界嘅人，好得意、好神奇！我好想模仿，但需要技巧。」