操弗有代價！周柏豪爆劉心悠過非人生活

藝人劉心悠、周柏豪、鄭欣宜、許廷鏗、菊梓喬、小肥、譚杏藍、狄以達等，到尖東出席電台運動活動。心悠與柏豪齊齊受訪，心悠透露正忙於為下星期公演的芭蕾舞劇排練，柏豪就自爆一直為巡唱健身和吃得清淡：「之前我同心悠拍劇，見佢每日淨係食烚雞同菜、好乏味，唔係人嘅生活，依家自己都係咁，多謝佢嘅啟發。」

弗爆的柏豪保持住8舊腹肌，心悠就好奇他女生有多少腹肌才算靚，柏豪認為8舊就夠，隨即口甜舌滑氹心悠：「心悠幾時都靚㗎啦！」問到柏豪何時才能重過「人的生活」？他坦言有時會獎勵自己，會打邊爐或吃煎炸食物，平時就靠太太準備沙律餐盒。