大女生日前發高燒　鍾麗淇唔唱K玩波波

藝人鍾麗淇（Margaret）婚後育有兩個囡囡，大女Isabella因為患上罕見嘅基因病，所以Margaret對佢嘅照顧無微不至，轉眼間Isabella已經8歲生日，呢日Margaret喺社交網上載為囡囡開生日派對相，見Isabella着上靚靚嘅中式裙，好開心咁同氣球影相，原來Isabella日前先發燒，搞到媽咪要臨時改變派對主題。

Margaret留言：「生日快樂Isabella！Isabella呢個周末感冒同發高燒，所以我哋不得不在星期六取消佢嘅卡拉OK中午派對（係卡拉OK……因為佢喜歡音樂，仲有大家為佢唱歌係最好嘅娛樂）。所以媽媽尋日換成一個氣球派對！我保證下次我會帶你去卡拉OK，我們會為你唱兒歌金曲……或者唱Lady Gaga嘅歌。」

Margaret仲話Isabella已經好番好多：「而且我很高興你今日感覺好多了……yeah！愛你Isabella……8歲生日快樂我的公主戰士！！！！」祝Isabella身體健康呀！