細佬出世喇！43歲沈可欣再為楊證樺誕子

曾參演《是咁的，法官閣下》、《跳躍生命線》的43歲無綫藝人沈可欣，2015年與楊證樺結婚，翌年誕下一子楊宏志（Eugene）。早前，二人宣布懷有第二胎，更拍攝了一輯唯美大肚寫真。

今日兩人再帶來喜訊，第二胎囝囝於昨日（10日）出世，楊證樺在社交網公布喜訊：「2018年12月10日，細佬出世了，母子平安。」他還上載了一家三口合照，見到剛剛出世的B仔戴上黃色冷帽，五官標致相當可愛。

楊證樺接受東網訪問時，表示：｢太太尋日朝早開始作動，我即刻送佢入院，晚上BB就出世喇。太太順產，BB重7磅1安士，仲重過哥哥。其實近期有幾部劇要拍攝，幸好太太分娩時唔使開工，可以入產房幫BB剪臍帶。太太陣痛時係咁捉住我，好大力。男人都冇佢咁大力，知佢真係好辛苦。依家全力陪住佢，照顧佢。」