努力造人5年！38歲張美妮宣布懷孕

現年38歲嘅藝人張美妮同圈外老公KK於2013年結婚，去年美妮仲話減少幕前演出造人，今日佢喺社交網宣布有喜，表示要做爸爸媽媽喇，見美妮已經見肚，但仲未有水腫，真係個靚媽！佢留言：「感恩上帝的恩典❤，我們家庭將會迎接新成員，我和老公要當爸爸媽媽啦！心情真係既開心又緊張，以滿滿的愛期待BB的來臨吖！」真係恭喜晒！

美妮接受訪問時坦言現時已懷孕三個多月，笑言只得家人知道，忍口都忍得好辛苦。問老公是否很開心？她謂：「開心到不得了，成家人都好開心，老公特別緊張，日日都好緊張，成日打畀我，又趕返屋企同我食飯，驚我亂食嘢！」美妮坦言最初懷孕時相當疲倦，又經常失眠：「真係好攰，依家好啲，所以今日都出去行吓，做吓運動！好在自己冇嘔，而且胃口仲好好呢！」美妮坦言生仔、女都冇所謂，現時還未知BB性別。