找數真漢子 梁釗峰假公濟私約Celia K.歐遊
20181211
東網電視
更多新聞短片
梁釗峰承認假公濟私約Celia K.歐遊，去丹麥拍MV。
前C AllStar成員梁釗峰新碟壓軸派台歌《若然冬天沒有花》，重金遠赴丹麥的哥本哈根拍攝MV，不過他涉嫌假公濟私，邀請性感模特兒好朋友郭穎兒（Celia K.）擔任MV女主角雙雙歐遊，在童話故事發源地浪漫一番。
釗峰坦白承認請Celia做女主角完全出於私心：「我哋同期出道，互相扶持嘅好朋友，我曾經許下承諾，將來獨立發展有自己歌自己MV時，一定搵佢做MV女主角，等咗8年終於成真。」原來釗峰是「找數真漢子」！
尋找安徒生
今次不但履行承諾，還實現了釗峰的夢想，他說：「我一直都好希望有屬於自己嘅聖誕歌，終於2018年夢想成真，而且呢首聖誕歌由自己作曲填詞，聖誕節唔一定普天同慶，帶着一份傷感嘅聖誕亦可以美麗。」身旁凍到震的Celia問為何揀哥本哈根拍MV？釗峰說：「丹麥哥本哈根唔只係童話故事作家安徒生嘅故鄉，而且亦係佢寫童話嘅地方，加上呢度風景真係好靚，充滿聖誕氣氛。」
二人在這個浪漫的環境中為情歌拍MV，但絕不過電，事關Celia已經結婚而且有一對可愛囡囡，釗峰內疚地說：「你剛生完第二個囡囡就過嚟幫我演MV女主角，沿途身兼保母照顧我，不過MV故事係好少對手戲，因為故事講我哋異地戀分手後，我嚟到哥本哈根，透過你寄畀我啲明信片上嘅景點去搵你。希望你老公唔會介意我借走咗佢老婆啦！」
原來Celia婚禮由釗峰擔任主持，她笑言：「佢唔介意，我多謝你帶我嚟到全世界最快樂嘅地方丹麥，仲要唔介意我啱啱生完BB兩個月未收身！」釗峰口花花：「依家都好索呀！」
----------------------------
東網巨星開咗ig喇，大家快啲follow啦！