Mani送金豬鏈催生B　阿嬌嫌老土

藝人鍾欣潼（阿嬌）將跟台灣醫界男神賴弘國18號簽字，20號擺酒。阿嬌為了做靚靚新娘子進行地獄式減肥，仲將佢集結成「阿嬌婚前減肥日誌」同網友分享，今日佢又上傳新一集，但就唔係講減肥，係霍汶希（Mani）帶阿嬌去揀金器，見阿嬌將龍鳳鐲試上手，洋溢住新娘子嘅喜悅，但Mani最想送金豬鏈畀阿嬌，但佢就唔係好受落嫌老土，Mani就叫阿嬌趁下年豬年生番個豬仔，不過阿嬌笑言趕唔切啦，不過就一定會生B。