投票力撐緋聞男友　陳瀅大讚陳家樂：好可愛

藝人陳瀅出席慈善機構活動，講到她憑劇集《跳躍生命線》獲提名「最佳女配角」，問可有信心？她表示：「信心係冇嘅，但希望可以攞到『最佳劇集』，因為套劇成績好，又帶到正能量畀大家。（睇好馬德鐘攞視帝？）當然啦！套劇每項提名我都支持。」

問可有叫緋聞男友陳家樂投票給自己？她笑住自爆：「我有投畀佢，投咗『最受歡迎電視男角色』畀佢，因為真係覺得佢做得幾好、演得好可愛，但視帝就投畀馬德鐘。」問準備好當晚戰衣未？她笑言：「仲準備緊，因為我個Stylist成日都好遲，所以我都有少少緊張。（上次你嗰件紫色裙畀人話似茄子？）唔係呀，我覺得幾可愛喎，我都有同佢講笑，今次如果黃色嘅話就似香蕉、紅色就似蕃茄，不過真係未知會着咩衫。」

會恭喜洪永城

講到陳家樂表示聖誕節會與她開工度過，她表示：「以我所知我嗰日係要同洪永城過嘅，因為我哋拍緊劇。（佢好似有拖拍啦？）真係？總之以我所知我哋25號係要一齊過。（你阻住人？）我哋嗰日係跳住熱舞過㗎，本身嗰日要開工我都有啲唔開心，但後尾知道嗰日原來係跳舞都開心番。（到時見到面會唔會恭喜佢？）我見到面問佢，真係嘅話就會恭喜佢。」