買千萬超跑當投資 城城:我未收集齊!

2018年12月12日 17:54
東網電視
更多新聞短片
仲話想遲啲開車展!

藝人郭富城(城城)現身活動,提到早前豪花近千萬購買限量跑車,他稱是一個投資:「架車叫冼拿,係一代車神嘅名,係紀念佢而推出,我都係佢粉絲,覺得好值得,架車掂住千萬,我都諗咗好耐先買,認為可以保值。」城城坦言收藏限量版名車已有二十年時間,當中有比該新車更名貴:「我個心願係有一日將啲收藏開一個展覽,將收益撥捐慈善,回饋社會。(幾時開展覽?)唔會咁快,有啲車儲緊,有啲車要到2020年先出產,我未收集齊,未達成我個目標。我係收藏啲珍品,世上好少有咁高質素嘅跑車,有佢嘅價值,好想同大家分享。」

城城指其收藏有人幫他管理,反而家中的停車場以家庭車為主,最少五座位,最多七座位,問到甚麼時候才座滿七座位?他笑言:「盡快。(有好消息可以公布未?)順其自然,多謝大家。」他謂覺得家庭成員愈多愈好,尤其為人父親後,希望有更多子女陪伴自己:「我媽咪前日84歲生日,好多家庭成員同佢慶祝,如果自己百年歸老,兒孫滿堂會好開心。我依家盡量keep好狀態,睇住子女成長係最重要,呢一刻積極工作,成為一個好爸爸令我更有動力。」