阿嬌婚宴在即　阿Sa幫揀婚紗勁細心

藝人鍾欣潼（阿嬌）今個月20號就同老公賴弘國補擺喜酒，呢個月阿嬌亦積極修身，真係瘦到面都尖埋，今日阿嬌就同好姊妹蔡卓妍（阿Sa）去試婚紗，阿嬌將相片上載至社交網，相中嘅阿Sa一臉認真，佢仲踎低幫阿嬌整理裙腳，係愛呀！難怪阿嬌留言話：「#阿嬌婚前減肥日誌 #day23 好姊妹就是這樣的」不過阿嬌為咗保密婚紗款式，佢都只係騷咗少少裙襬出嚟，但一班粉絲已經留言讚好靚！