節目三度獲提名　《兄弟幫》約齊人拍片拉票

由藝人林盛斌（Bob）、梁烈唯、范振鋒、王梓軒及陳國峰主持的無綫節目《兄弟幫》，入圍今年無綫《萬千星輝頒獎典禮2018》的「最受歡迎電視拍檔」候選之一。眾人齊齊出力拉票，日前他們拍了一條誠意十足的宣傳片，Bob接受東網訪問時表示：「我哋節目做咗9年、超過2000集，提名過三次同類獎項，但我哋一向冇乜野心，所以一直冇拉票。今次我哋班兄弟雖然各有各忙，但遇到個好好嘅拍攝團隊幫手，所以拍咗條片，畀鍾意睇我哋節目嘅觀眾Like吓，又可以當係拉票。雖然未必有機會贏，但叫盡啲力、集啲氣去拉吓票答謝觀眾，我哋睇完條片都幾感動！」