黃曉明拍于正新劇開鏡　網友驚覺係BL劇？

《延禧攻略》製片人于正早前就連珠炮怒轟台灣男星邱澤臨時甩底劇集，事隔一個月，原來佢已經開拍新劇《鬢邊不是海棠紅》，仲搵嚟當紅大陸演員黃曉明、尹正主演，分飾愛國富商及京劇名伶，已經最有睇頭嘅係…新劇原著為網絡BL（男男戀愛）小說！

該劇主打中國戲曲文化傳承，由《延禧》團隊打造30年代北平嘅梨園百態，有晒文化歷史意義，于正仲講到明想大家睇完會「靠近京劇、看懂京劇、了解京劇。」目標鬼咁遠大。不過網友最關心嘅竟然係劇中會否出現HeHe曖昧情愫，搞到網上議論紛紛，不過于正就意有所指劇中「沒有所謂的社會主義兄弟情」，暗示符合審查標準，唔會出現男男愛情線，令唔少網友都話……好失望…