許志安飲醉酒好過分：指住盞燈話係UFO

歌手許志安（安仔）與組合As One前成員蘇皓兒（Chloe）現身「第三屆澳門國際影展暨頒獎典禮」的紅地氈，Chloe以白色低V裙上陣，甚為性感。安仔聲沙沙，他稱有少少感冒，加上昨日出席長輩生日，在席間合唱完就如此，問是否飲多兩杯所致？他否認說：「我飲酒適可而止，差不多夠就走人。（好耐冇飲醉？）好耐冇，因為我有個掣，好耐之前試過飲醉酒都好過分，指住盞燈話係UFO，但近十年八年有個掣。（老婆畀個掣你？）講呢啲，飲得酒多對身體都唔好，知道差不多就停。」

睇好古天樂

談到工作，安仔表示有很多會要開，因為要籌備明年演唱會及唱片，希望音樂上跟新人合作，可以有突破。對於古天樂今年殺入樂壇頒獎禮，他直言看好對方：「今年係佢，全香港都想睇佢開聲。（佢喺吒叱踢走陳奕迅，打入十強。）唔好話係踢走，大家都係好朋友，全香港都係想睇一個回憶，我想聽佢唱《男朋友》，想睇佢唱歌，我都希望佢攞獎。（大家等睇好戲多過想佢攞獎？）佢係集體回憶，陳奕迅都好好，不過我都想聽新嘢，衝擊吓樂壇。（你同佢合唱？）唱乜？佢同謝安琪合唱首歌幾好聽，兩個男人一齊合唱唔知點，都係唱《當年情》嗰啲。」

心目視帝係張衞健

問到會否支持好兄弟張衞健攞視帝？他說：「佢向來喺我心目中係視帝，叫佢唔好搞呢啲，畀啲新一代玩吓，唔好霸住個視壇。（佢話未攞過想攞？你有冇捧佢場？）有捧佢場，佢嗰套孫悟空吖嘛，OK吖。（係《大帥哥》。）係《大帥哥》，我有支持佢。」而Chloe表示已沒有唱歌，現以拍劇及電影為主，同門師兄安仔也謂將來可以合作，Chloe稱下星期就會拍攝無綫劇集，但暫未能公布詳情，問到頭短髮是否為劇集而剪？她否認：「唔係，不過監製覺得我短髮都幾特別所以搵我演出。」安仔即搞笑地反問：「唔係講演技嘅咩，我都短髮喎，點解唔搵我演？」

----------------------------

東網巨星開咗ig喇，大家快啲follow啦！

　https://bit.ly/2JjSVcr