古天樂殺入頒獎禮!城城唔識評論:好難講

20181214
東網電視
更多新聞短片
城城話冇留意樂壇,因為好忙!

男星郭富城(城城)以影展明星大使身份聯同其主演的電影《麥路人》眾演員出席「第三屆澳門國際影展暨頒獎典禮」的紅地氈,同場還有內地男星張涵予、鄭愷、今屆金馬影后謝盈萱、導演陳凱歌與張婉婷等,星光熠熠。

問到城城有否留意今年樂壇?他坦言自己非常忙碌,所以未有留意,笑言:「我只係留意郭富城有100場巡迴演唱會,而且之前一直拍戲都冇停過,之後又要綵排演唱會。(古天樂殺入樂壇頒獎禮。)好難評論,因為我都冇留意,好難講。」

另外,城城提到今次首次與楊千嬅在戲中合作,兩人會有微妙的感情戲,但沒有親熱戲,主要講兩人互相扶持。他又提到同戲的演員萬梓良,並大讚對方:「佢係一個好用心,好專業嘅演員,佢本身有糖尿病,所以拍戲會比較辛苦,但佢都願意去接拍呢部電影,佢用生命去付出,佢熱愛演戲,佢唔怕病魔,如果有病尤其糖尿病係好容易攰,所以我覺得佢係一個好偉大嘅演員。(佢身體情況點?)因為糖尿病要成日食藥同休息,所以佢都嚟唔到今次嘅影展,希望佢快啲好番,之後可以同我哋一齊去影展。」