楊峰深入惠州山區　踩爛菜畀阿伯捉！

歌手楊峰日前隻身深入惠州山區，他表示：「早兩日收到朋友通知，話喺惠州地區有平嘅地皮，平成四十蚊一尺，但入咗去先知好似入咗深山咁，真係有啲驚會有攻擊性動物出現，但呢度都幾適合開養老院，有山有水空氣又好，條命仔都可以長啲。」他亦分享當日發生難忘事：「嗰日我自己周圍爬上爬落，唔小心踩爛咗阿伯啲菜，畀阿伯捉住咗，佢仲好惡，但佢唔要錢，佢要罰我掃地同幫手做嘢，唔做唔放我出去，所以就冇計啦，掃地就掃地啦！」他續謂：「阿伯一睇就知我係大城市嘅人，一開口乜都係講錢，佢話呢度好好空氣，所以佢90幾歲仲有咁好嘅身體，仲問番我可以用幾多錢買到，我諗一諗佢講得真係幾有道理，佢想趁機教化吓我哋呢啲城市人。」