【遊勻全港商場】趙哲妤想帶囡囡睇聖誕樹

藝人趙哲妤（Uny）、筱靖到九龍塘出席電影首映活動，Uny透露將會放一星期聖誕假，本想帶女兒小魚和筱靖去旅行，不過對方生意太忙，所以最後決定留港消費：「會帶小朋友去主題樂園同嘉年華，因為佢未曾喺香港過聖誕節，亦未試過同商場聖誕樹影相。」她表示以往每年有買聖誕樹回家，不過媽媽認為不環保，所以今年打算帶小魚逛盡全港商場看聖誕樹。另外，小魚將於12月19日生日，筱靖話會送聖誕及生日禮物給對方，又希望下年與Uny兩母女回馬來西亞：「小魚喺嗰邊出世，Uny又喺嗰邊坐月，同坐月中心職員關係好好，應該返去探佢哋。」之後，Uny投訴筱靖忙得幾乎連做義工也沒時間，筱靖笑言自己連識男仔都是努力中，即使朋友介紹亦未必適合，所以現階段仍是以工作為先。

至於同場的莊端兒（Xenia）提到日前低胸現身另一電影活動，她解釋可能傭人姐姐看過電影海報，就選了一套跟主角差不多性感的衣服：「有時我同杜汶澤拍嘢要好性感，傭人姐姐每次都會問我使唔使性感，不過今日係合家歡，我就話唔使。」另外，她自爆會帶男伴出席朋友的聖誕派對，不過二人暫時只是朋友：「喺派對會交換禮物，我買咗男士啱用嘅Boxer同襪套裝，希望佢抽到，平時都有約佢。」

----------------------------

東網巨星開咗ig喇，大家快啲follow啦！

https://bit.ly/2JjSVcr